الرئيسيةس .و .جالتسجيلدخول

شاطر | 
 

 زهقان من عيشتك وقرفان؟؟؟؟؟ ادخل وأكيد حتخرج فرحان!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mando_elsaher
-[عضو فعال]-
-[عضو فعال]-


تاريخ التسجيل : 09/12/2009
عدد المشاركات : 32
السن : 31
الدولة : egypt
الجنس : ذكر

مُساهمةموضوع: زهقان من عيشتك وقرفان؟؟؟؟؟ ادخل وأكيد حتخرج فرحان!!!!!!   الأحد 24 يناير 2010, 10:06 am




السلام عليكم ورحمة الله وبركاتة

زهقان من عيشتك ؟؟

قرفان من ( بعض ) اللي حواليك ؟؟


نفسك لو تبقى شخص تاني ؟؟

نفسك لو كنت في بلد تاني ؟؟

نفسك لو كنت في زمن تاني ؟؟

لو الإجابة ( نعم ) فماتتوقعش إني هسفرك برة ,
و لا( أديك لفة ) بآلة الزمن ,

إنما أحب أوضح لك إنك كده تمام قوي ,
100 فل و 10

و إن وضعك الحالي في زمنك الحالي في ظروفك الحالية هو أحسن وضع ليك ,.

آه و ما تستغربش ,

هو مين اللي خلقك في المكان ده ؟
في الزمان ده ؟
وسط الناس دي ؟
في الظروف دي ؟؟

ربنا , صح ؟؟

يبقى ربنا أعلم بيك , و أعلم بما يُصلحك ,

و هو سبحانه و تعالى بيقول : (( ألا يعلم من خلق و هو اللطيف الخبير )) ؟؟؟

بلى و الله يعلم , و هو بخلقه لطيفٌ خبير ,

و زي ما قال رسول الله صلى الله عليه و سلم :
" عجبا للمؤمن،لا يقضي الله له شيئا إلا كان خيرا له " (*)

يبقى قضاء ربنا عليك في إيجادك في الظروف دي و الحالة دي و المكان ده و الزمان ده هو عين الخير ليك

بل إن وجودك في الزمن ده أحسن من وجودك حتى في زمن الرسول !!

مستغرب ؟؟ لا ما تستغربش

و اقرأ الكلام ده :

عن جبير بن نفير قال: جلسنا إلى المقداد بن الأسود يوما ،
فمر به رجل ، فقال: طوبى لهاتين العينين اللتين رأتا رسول الله صلى الله عليه وسلم ،
والله لوددنا أنا رأينا ما رأيت ، و شهدنا ما شهدت ،

فاستُغضِب !!
- يعني المقداد غضب من كلام الرجل -

فجعلت أعجب ، ما قال إلا خيرا!

ثم أقبل عليه فقال - المقداد اللي قال - :

( ما يحمل الرجل على أن يتمنى محضراً غَيَّبهُ الله عنه ؟

لا يدرى لو شَهِدَهُ كيف يكون فيه ؟

والله لقد حضر رسول الله صلى الله عليه وسلم أقوامٌ كبهم الله على مناخرهم في جهنم؛
لم يجيبوه ولم يصدقوه !

أولا تحمدون الله عز وجل إذْ أخرجكم لا تعرفون إلا ربكم ،
فتصدقون بما جاء به نبيكم صلى الله عليه وسلم ، قد كُفيتم البلاء بغيركم ) (**)

معنى كلامه إنه بلاش تتمنى إنك تكون على عهد الرسول حتى ,
لأن إيه ضمنك إنك تكون صحابي ؟؟
ما انت ممكن تكون أبو جهل !!

و مثله أن لا تتمنى وجودك مكان فلان ابن الباشا ,
لأنك لو بقيت غني ممكن تفسد ,
و هكذا ,

إنت وضعك و حالتك متفصلة مخصوص علشانك

لأن اللي حطك فيها هو ربنا

و بما إن ربنا اللي خلقك ,
يعني هو عارفك و عارف احتمالك و قدرتك قد ايه ,

و عارف انك تقدر تستحمل الوضع اللي انت فيه ده ,
لأن دي طاقتك
و لو طاقتك كبيرة البلاء كبير ..
على قدها و مش أكبر منها ,

قال رسول الله : " يُبتلى المرء على قدر دينه " (***)
يعني لو ماكانش دينك و طاقتك هتستحمل ,
ربنا هيهون عليك البلاء على قدها ,
و شوف نفس الحديث .. سبحان الله ,
في رواية منه " وإن كان في دينه رقة .. هُوِّن عليه " شوف رحمة ربنا ,


و الآية الأخرى قال تعالى : (( لا يكلف الله نفسا إلا وسعها ))
يعني طالما رينا خلقك في وضع ما ,
و كلفك شيئا ما ,
يبقى أكيد الشيء ده في وُسعك ,
و انت تقدر تعمله ,

لأنه لو لم يكن في وسعك لما كلفك إياه,

و أخيرا أختم بمقولة عجبتني جدا بتقول :

" من لا ينفع لوضعه لا ينفع لوضع غيره "


ماندو الساحر
الرجوع الى أعلى الصفحة اذهب الى الأسفل
3sooola
-[عضو نشيط]-
-[عضو نشيط]-
avatar

تاريخ التسجيل : 13/01/2010
عدد المشاركات : 101
السن : 24
الدولة : Egypt
العمل : student
الجنس : انثى

مُساهمةموضوع: رد: زهقان من عيشتك وقرفان؟؟؟؟؟ ادخل وأكيد حتخرج فرحان!!!!!!   الثلاثاء 02 فبراير 2010, 3:08 pm

جزاك الله خيرا
والله فعلا موضوع رائع
شكرا ماندو
الرجوع الى أعلى الصفحة اذهب الى الأسفل
treka
-[عضو فعال]-
-[عضو فعال]-
avatar

تاريخ التسجيل : 27/01/2010
عدد المشاركات : 18
السن : 25
الدولة : فلسطين
الجنس : ذكر

مُساهمةموضوع: رد: زهقان من عيشتك وقرفان؟؟؟؟؟ ادخل وأكيد حتخرج فرحان!!!!!!   الأربعاء 10 فبراير 2010, 1:35 pm

شككككككككككرا كتييييييييييييييييير
الرجوع الى أعلى الصفحة اذهب الى الأسفل
 
زهقان من عيشتك وقرفان؟؟؟؟؟ ادخل وأكيد حتخرج فرحان!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ..:: الـمـنـتـديـات العامة ::.. :: مـنـتـدى [ المواضيع العامة ]-
انتقل الى: